٠٧‏/٠٣‏/٢٠١٠

يا شعبى يا حبيبى

يا شعبى


(احمد فؤاد نجم)


على لسان الزعييييييييييم



يا شعبي حبيبي يا روحي يا بيبي يا حاطك في جيبي يا ابن الحلال



يا شعبي يا شاطر يا جابر خواطر يا ساكن مقابر وصابر وعال


يا واكل سمومك يا بايع هدومك يا حامل همومك وشايل جبال


يا شعبي اللي نايم وسارح وهايم وفي الفقر عايم وحاله ده حال



أحبك محشش مفرفش مطنش ودايخ مدروخ وآخر انسطال



أحبك مكبر دماغك مخدر ممشي أمورك كده باتّكال



وأحب اللي ينصب وأحب اللي يكدب وأحب اللي ينهب ويسرق تلال



وأحب اللي شايف وعارف وخايف وبالع لسانه وكاتم ما قال



وأحب اللي قافل عيونه المغفل وأحب البهايم وأحب البغال



وأحب اللي راضي وأحب اللي فاضي وأحب اللي عايز يربي العيال



وأحب اللي يائس وأحب اللي بائس وأحب اللي محبط وشايف محال


وأحبك تسافر وتبعد تهاجر وتبعت فلوسك دولار أو ريال



وأحبك تطبل تهلل تهبل عشان مطش كورة وفيلم ومقال




وأحبك تأيد تعضض تمجد توافق تنافق وتلحس نعال



تحضر نشادر تجمع كوادر تلمع تقمع تظبط مجال



لكن لو تفكر تخطط تقرر تشغلي مخك وتفتح جدال




وتبدأ تشاكل وتعمل مشاكل وتنكش مسائل وتسأل سؤال





وعايز تنور وعايز تطور وتعمللي روحك مفرد رجال



ساعتها حجيبك لا يمكن أسيبك وراح تبقى عبرة وتصبح مثال




حبهدل جنابك وأذل اللي جابك وحيكون عذابك ده فوق الاحتمال




وأمرمط سعادتك وأهزأ سيادتك وأخلي كرامتك في حالة هزال




وتلبس قضية وتصبح رزية وباقي حياتك تعيش في انعزال




حتقبل حَحبك، حترفض حَلِبّك، حتطلع حتنزل حجيبلك جمااااال

هناك ١٥ تعليقًا:

!! a7mad sala7 !! يقول...

هههههههههههههههههههههههههههههههه

جامدة اوى

شوفتها من واحد ع اليو تيوب بيقولها بطريقة فظيعة

تطبيقات يقول...

اللى على اليو تيوب احلى بكتير ياريت تجيبها وتضعها على المدونة مع الكلام

Umzug Wien يقول...

روووووووووووووووعة

اخبار اليوم يقول...

مقاااااااال رائع جداا

توب موفيز يقول...

تسلم ايديك

توب موفيز يقول...

رااااائع

أخبار اليوم يقول...

رااااائع

توب موفيز يقول...

رااااائع

اخبار فنية يقول...

رائع الشعر

اخبار الرياضة يقول...

باشا انتا

Umzug Wien يقول...

مشكووووووووووور .. تسلم ايديك

منتدى الربح من الانترنت يقول...

مدونة رائعة .. وموضوع مميز ،،

اخبار اليوم يقول...

موضوع رائع وممتاز جداا

Räumung wien يقول...

شكراً لكم ع الموضوعات المتنوعة ...

entrümpelung wien يقول...

موضوع شيق و ممتاز جدا