s cent

يا شعبى يا حبيبى

يا شعبى

(احمد فؤاد نجم)

على لسان الزعييييييييييم

يا شعبي حبيبي يا روحي يا بيبي يا حاطك في جيبي يا ابن الحلال

يا شعبي يا شاطر يا جابر خواطر يا ساكن مقابر وصابر وعال


يا واكل سمومك يا بايع هدومك يا حامل همومك وشايل جبال


يا شعبي اللي نايم وسارح وهايم وفي الفقر عايم وحاله ده حال

أحبك محشش مفرفش مطنش ودايخ مدروخ وآخر انسطال

أحبك مكبر دماغك مخدر ممشي أمورك كده باتّكال

وأحب اللي ينصب وأحب اللي يكدب وأحب اللي ينهب ويسرق تلال

وأحب اللي شايف وعارف وخايف وبالع لسانه وكاتم ما قال

وأحب اللي قافل عيونه المغفل وأحب البهايم وأحب البغال

وأحب اللي راضي وأحب اللي فاضي وأحب اللي عايز يربي العيال

وأحب اللي يائس وأحب اللي بائس وأحب اللي محبط وشايف محال

وأحبك تسافر وتبعد تهاجر وتبعت فلوسك دولار أو ريال



وأحبك تطبل تهلل تهبل عشان مطش كورة وفيلم ومقال




وأحبك تأيد تعضض تمجد توافق تنافق وتلحس نعال



تحضر نشادر تجمع كوادر تلمع تقمع تظبط مجال



لكن لو تفكر تخطط تقرر تشغلي مخك وتفتح جدال




وتبدأ تشاكل وتعمل مشاكل وتنكش مسائل وتسأل سؤال





وعايز تنور وعايز تطور وتعمللي روحك مفرد رجال

ساعتها حجيبك لا يمكن أسيبك وراح تبقى عبرة وتصبح مثال




حبهدل جنابك وأذل اللي جابك وحيكون عذابك ده فوق الاحتمال




وأمرمط سعادتك وأهزأ سيادتك وأخلي كرامتك في حالة هزال




وتلبس قضية وتصبح رزية وباقي حياتك تعيش في انعزال




حتقبل حَحبك، حترفض حَلِبّك، حتطلع حتنزل حجيبلك جمااااال

BYE BYE EDUCATION

من قلبى
بعد حوالى 17 سنة تعليم

باقولها وبكل جراءة

bye bye education

الحمد لله انهينا المرحلة الجامعية على خييييييير

بتقدير عام جيد

مشروع جيد جدا

فى انتظار موقف التجنيد

مبروك لكل دفعة 2009 من كل الجامعات وكل الكليات بصفة عامة

ولكمبيوتر ساينس جامعة الزقازيق وجروب المشروع بصفة خاصة

بجد كانت اصعب سنة فى تاريخ حياتى

من ناحية

الدراسة

الحياة

المواقف

ثم ها انا هنا

HuSsIeN

with no change

i am unchangable

وبما انها المدونة بتاعتى احب اوصل شوية رسايل

اول رسالة لاى حد زعل منى فى السنة دى(السنة اللذيذة)

لان فى ناس كتير جدا زعلت منى

والله يا جماعة ما اقصد ازعل اى حد بس كان بيبقى من ضغط الحياة

تانى رسالة هاقسمها على اتنين

الجزء الاول

صاحبى وزميلى وحبيبى اسلام عاطف (فوكس)

رسالة شكر وعرفان بالجميل على مجهوده فى مشروع التخرج

لان الراجل ده تعب بجد ويستاهل اكتر من كده بكتييير

الجزء التانى

الباشا احمد بك على (زين)

يا احمد انا مافيش معايا رصيد من اسبوع

يا تشحنلى يا تكلمنى

اه من حق

الولد ده جدع جدا فوق الوصف

من الناس اللى كسبتها بجد خلال اقامتى فى الزقازيق

بس كفاية

لا

صور من اخر يوم فى الكلية

MABROOOOOOOOOOOOK again to all my friends

HuSsIeN

مدونات فى حب امريكا

I LOVE USA

بجد مش كلام

وعشان كده ياريت نقرأ النوادر دى

عشان تعرفوا اد ايه انا بحب امريكا

(1)الرئيس الامريكى بوش اذكى اغبياء العالم

راح بوش لاليزابيث و سألها:ايه هو السر ورا كونك ملكة بريطانيا كل المدة دى؟؟

قالت: لأني دايما اختار ناس أذكياء يشتغلوا معايا! وهذا الدليل :

راحت الملكة و اتصلت بتوني بلير: توني, هاسألك سؤال, ابن امك و ابوك بس مش اختك ولا أخوك مين يكون؟

قال بلير بكل ثقة:its me

عجبت الفكرة بوش وراح يجربها مع ادارته.. اتصل بوش بديك تشيني :

وقال: ديك أنا عندي سؤال... قال:اسأل سيدي الرئيس ...

قال بوش: ابن امك و ابوك بس مش اختك ولا أخوك مين يكون؟

احتار تشيني و ما عرفش الإجابه....!

وقال بتردد و ارتباك: سيدي الرئيس, ممكن تعطيني فرصه افكر في الإجابه؟؟

قال بوش :.OK

راح تشيني واجتمع بأعضاء الكونجرس وسألهم السؤال لكن مافيش واحد فيهم عرف الإجابه!!!

قال واحد منهم: نسأل كولن باول يمكن يعرف الإجابه؟؟

اتصلوا بكولن باول و سألوه: مستر باول, ابن امك و ابوك بس مش اختك ولا أخوك من يكون؟

قال باول بكل بساطه:!! Its me

راح تشيني وهو فرحان إنه اخيرا وصل للإجابه وقال لبوش: سيدي الرئيس.. أنا عرفت الإجابه على سؤالك

الجواب هو: كولن باول

قال بوش: يا غبي.. الجواب هو توني بلير

-------------------------------------

(2) الامريكى والعراقى والفتاة والعجوز

بينما القطار يشق طريقه متوجه إلى فرنسا كان يجلس في داخله أربعة أفراد متقابلين :

' أمريكي وعراقى وفتاه وامرأة عجوز '،

دخل القطار في نفق مظلم فسمع الركاب صوت قبلة،ثم تلاها صوت صفعة على الوجه

فلما خرج القطار من النفق شوهد الامريكى يحك خده وقد احمر،فدار هذا الحوار:

* قالت العجوز في نفسها: يالها من فتاة غبية قبّلها الامريكى فصفعته على وجهه.*

وقالت الفتاة في نفسها: ياله من امريكى غبي، يتركني أنا ويقبل هذه العجوز.*

وقال الامريكى في نفسه: ياله من عراقى محظوظ، يقبل الفتاة وأتلقى أنا الصفعة.*

وقال العراقى في نفسه: يالى من عراقى ذكي، قبلت يدي ثم صفعت الامريكى

------------------------------------

(3) امريكا والتكنولوجيا

الناس تعتقد ان الشعب الامريكي هو امهر شعب ان صح التعبير في العلوم الكمبيوترية و المعرفة التامة باستخدام الكمبيوتر... سنذكر هنا بعض المواقف التي مرت بفرق الدعم الفني للشركات الامريكية...

-احد المسئولين في شركة كومباك الامريكية قال ان الشركة تفكر جدياً في الغاء امر الكمبيوتر..

اضغط على اي زر او press any key

وذلك بعد ان كثرت الاتصالات من المستخدمين الذين يشتكون من عدم وجود ( زر ) بنفس الاسم على لوحة المفاتيح!!!!

------------------------

احد المستخدمين اتصل بالفنيين في شركة اخرى يشتكي من وجود عطل في احد الدسكات فطلبوا منه ارسال نسخة الدسك المعطل و بعد فتره... ارسل لهم بالفاكس صورة ( فوتوكوبي) من الدسك!!!!!!

-----------------------

ويقول احد العاملين في مقهى للكمبيوتر انه ذات يوم رأى امرأة تجلس امام شاشة الكمبيوتر بالمقهى و هي تركز بشكل غريب في الشاشة و بعد 15 دقيقة وقفت واخذت تحرك رجلها بغضب مما دعاه الى الاقتراب منها و سألها: هل تحتاجين مساعدة ؟ .. فأجابت بغضب..الان تكرمت و جئت للمساعدة لقد ضغطت على زر F1 منذ اكثر من 15 دقيقة و لم يحضر منكم احد لمساعدتي...!!!!!!!

-------------------------------------

اللى عاجبنى اوى بقى هو الشبشب ده ولسه بادور عليه

ومش لاقيه فى السوق

ما هو اكيد فى تعليمات من فوق بالغاء الشبشب

واكيد اتكنس من السوق

SO I LOVE AMERICE

LOVE IT

------------------------

HuSsIeN

فى مصر هاتموت يعنى هاتموت

تحت شعار الزعيم مصطفى كامل

( لو لم اكن مصريا لوددت ان اكون مصريا)

لكن

دلوقتى

فى 2008

الكلام طبعا لازم يتغير

(لو لم امت مصريا لوددت ان اموت مصريا)

لو عايز تموت فى مصر

ادخل و اختارلك موته حلوه عاوز تموت شهيد ؟ياتركب طياره............... ياتركب عباره

عاوز تموت م الجوع ؟ ياتشترى شقه................ياتشترى عربيه بالقسط

عاوز تموت م الحسره ؟ ياتتفرج ع الفاترينات فى ستى ستارز.....ياتروح زياره لمارينا

عاوز تموت م الغيظ ؟ ياتتفرج ع القنوات المحليه......... ياتتفرج ع النشره الجويه

عاوز تموت م الزهق ؟ ياتستنى الأشاره لما تفتح .... ياتستنى دورك فى طابور التأمين الصحى

عاوز تموت م الهبل ؟ يا تتفرج ع الأفلام المصرية القديمة .......... ياتسمع نجوم الأف أم

عايز تموت م الشلل ؟يا تدخل على النت بالدايل اب ............... يا تتفرج على فيلم هندى

عاوز تموت مخنوق ؟ ياتروح مصلحه حكوميه ......... ياتقرا الجريده اليومية

عاوز تموت مفروووس ؟ ياتركب تاكسى ............ ياتركب دش

عاوز تموت مرعوووووب ؟ ياتستنى نتيجه الثانويه العامه ....... ياتستنى نتيجه التحاليل عند الدكتور

عاوز تموت مشهور ؟ ياتتجوز رقاصه ............ ياتنصب على بنك

عاوز تموت مليونير ؟ ياتعمل فيديو كليب............. ياتلعب كوره

عاوز تموت ورا الشمس ؟ياتشغل مخك ............ ياترشح نفسك فى إنتخابات الرئاسة

عاوز تموت منكد ؟ ياتسمع أغنية دقيقة حداد ....... ياتخش ف أتفاقيه الجات

عاوز تموت م الحزن ؟ ياتفكر دايما ف أحوالك .......... ياتحط الحكومه ف بالك

عاوز تموت م الضحك ؟ ياتتجوز أتنين ......... ياتشتغل مع المجانين

عاوز تموت ف حالك ؟ أعمل نفسك دايما مش واخد بالك

تقبلوا تحياتى

HuSsIeN

سنة وعدت

الحمد لله

كانت سنة طويلة جدا جدا

ذاكرنا وتعبنا

بس الحمد لله

نجحت بتقدير عام جيد

ومبروك لكل المبرمجين فى كل الكليات

وخاصة حاسبات الزقازيق

سلام

ME

HUSSIEN

AHMED

F C I

2008

خاص لكل زمايلنا من مهندسى الكمبيوتر

يا مسطب حبك في قلبي ومكنسل منه الاهات

بعدك خلاني اهنج واحرق كل الرامات

كارت عيني ولع وكمان الساوندات

من كتر ما اتحركت انصبت بالبادات

فضلت ادور عليك نصحوني ادخل الشات

اتخيلت بيك ياخسارة طلعت فيروسات

من بعدك عقلي خلاص اتعمله فورمات

وعلشان اشوفك تاني لازم ابقي فات

لا نافع في ويندوز ولا حتي ريد هات

من كتر الم فراقك باسقط ملفات

عملت سكان لقلبي مالاقيتش بارتيشنات

حتي التقسيمة ضاعت ياخسارة على اللى فات

حياتي دخلها فيروس ارجوك ارحم الاهات

تحياتى

مبروووووووووووووووووووك

يا جماعة انا نجحت وبتقديرات كويسة كمان


مبروك لكل زمايلى فى الفرقة التالتة وان شاء الله عقبال كل سنة



والترم ده ان شاء الله يكون احسن من الترم اللى قبله

الى متى ارتفاع الاسعار

ابشروا يا ناس

كيلو العدس (بتاع الغلابة) فى قلب سوق العبور ب 10 جنيه الكيلو

طيب هايوصل للناس بكام

؟؟؟؟؟؟

حوار بين طفل فلسطينى وطفل يهودى

الطفل اليهودى : والدى اخبرنى انتم العرب ارهابيين وحيوانات

الطفل الفلسطينى : والدى لم يخبرنى شئ لانكم قتلتوه


اللهم لا حول ولا قوة الا بالله

زيادة سعر الخبز المدعم

زيادة سعر رغيف الخبز البلدي المدعم من ٥ قروش إلي ١٠ قروش، اعتباراً من شهر يوليو المقبل

كشف مصدر مسؤول بوزارة التضامن الاجتماعي عن زيادة سعر رغيف الخبز البلدي المدعم من ٥ قروش إلي ١٠ قروش، اعتباراً من شهر يوليو المقبل، تحت مسمي تحسين جودة الرغيف، بحيث لا يقل وزنه عن ١٣٠جم، لافتاً إلي أنه تجري حالياً دراسة إلغاء دعم رغيف الخبز بالكامل

نقلا من جريدة المصرى اليوم

تحيا جمهورية مصر العربية

يوم عيد ميلادك

من احمد فؤاد نجم الى حسنى مبارك فى عيد ميلاده
بعد التعديل



سيدي الرئيس
في عيد ميلادك الثمانين
كل سنة وأنت طيب
واحنا مش طيبين
كل سنة وأنت حاكم
واحنا محكومين
واحنا مظلومين
واحنا متهانين
ويا ترى يا حبيب الملايين
فاكرنا ولا احنا خلاص منسيين
فاكر المعتقلين
فاكر الجعانين
فاكر المشردين
فاكر اللي ماتو محروقين
فاكر الغرقانين
الله يكون في عونك - هاتفتكر مين وللا مين
في عيد ميلادك الثمانين
بقول لك كلمتين
الأوله
شيلتنا طين
وهل تعلم أن النيل بقى رشاح
والجو أصبح بيئة والعيشة ولعة
والشرفا قلوبهم عالبلد والعة
وانت عاملهم مذبحة ولا بتاعة القلعة
والاقتصاد سداح
والسرقة بقت كفاح
ومصر متاحة بس للسياح
وعرض البلد بقى مستباح
والتانية
ورتنا الويل
دا الخطوة في عهدك بقت ميل
والضحك بقى نواح وعويل
والكوسة
عارف الكوسة
ممكن أقولك فيها موواويل
والجامعة بقت يا إما كباريه أو دار مسنين
والشباب معظمهم من غير خمرة سكرانين
والعلم عز على المتعلمين
والأساتذة بقم دجالين
والقادة بقم طبالين
واديني في الهايف يا حبيب الملايين
والتالتة
عارف اليابانيين
زمان في سنة اتنين وخمسين
كان عندنا تروماي وكان عندنا علم ومتعلمين
وثقافة ومثقفين
وأدبا وعلما وفنانين
وكانو اليابانيين
بالنووي لسة مضروبين
وللصدقة مستحقين
دلوقتي إحنا فين وهما فين
هما فوق واحنا في أسفل سافلين
والرابعة
أمن البلد بقى تنين
والمحاكم اتملت مظالم
والعدالة بقت كمالة
وكلمة الحق في الزبالة
وأصحابها في الزنازين
والخامسة
القطاع العام…. عام
والفساد…. ساد
وفي جتة بلدنا بيرعى
أفتكر لجنابك إيه وللا إيه
وكل ذكرى ليك بدمعة
آآآآآآآآه آآآآآآآآه
أنا كنت حالف ميت يمين
أكملهم لك تمنية وسبعين
بس هاكفيهم ورق منين
وكل سنة وأنت
واحنا طيبين

اغرب 6 حالات وفاة فى العالم

أغرب 6 حالات وفاة في التاريخ.. ؟؟؟من موسوعة جينيس

في أحد الحقول المصرية تناولت أحد العامــلات ماء بارد,

ولكنها أصيبت بالذعر عندما لاحظت وجود بعض النمل في الماء,

فأسرعت إلى المنزل وشربت مبيد حشري, فحدثت لها تشنجات ثم توفيت بالمستشفى

غرق عامل يدعى " روبرت هيرشي " كان يعمل بمصنع للفطائر في مدينة أوننغتون بولاية بنسلفانيا

، بعد سقوطه في قدر مليء بالشوكولاته! ,

بدأ عامل البناء الإنجليزي " أليكس ميتشل " الضحك بدون السيطرة على نفسه

وهو يشاهد مسرحية كوميدية تسمى ( ذي غوديز ) وبعد نصف ساعة سقط ميتاً !!

,,في وارسوا ( بولندا ) غضبت امرأة غضبا شديدا عندما أبلغها زوجها أنه سيتركها

لدرجة أنها القت نفسها من نافذة الدور العاشر ... وفي هذه اللحظة كان الزوج يخرج من المبنى

، فوقعت زوجته عليه وقتلته وعاشت هي.

تعرض " هنري زيغلاند " من تكساس لإطلاق النار من شقيق محبوبته ،

ولكن الطلقة أصابته بعد عشرين عاما فقد أخطأ الأخ إصابة " زيغلاند "

واستقرت في شجرة قريبة .... وعندما قام " زيغلاند" بنسف جذع الشجرة بعد ذلك بعشرين عاما

، انطلقت الطلقة وأصابته في رأسه فقتلته في الحال

كانت أربع من المشعوذات في مدينة المكسيك يقمن بإعداد جرعة من خليط يستخدمنه في الشعوذة

، ولكن أثناء قيامهن بغلي الخليط السحري من الأعشاب والأمونيا في مرجل

، ماتت الساحرات الأربع بسبب الأبخرة المتصاعدة

من لم يمت بالسيف مات بغيره ... تعددت الاسباب والموت واحد

هل تعلم

هل تعلم؟؟

-هل تعلم ان 53% من الشعب المصرى تحت خط الفقر

-هل تعلم ان اسوء رغيف خبز فى الشرق الاوسط فى مصر

-هل تعلم ان عدد السجون والمعتقلات فى مصر اكبر من عدد المستشفيات ؟

-هل تعلم ان مع ميزانية مصر يصبح دخل الفرد 83 جنيه مصرى ما يعادل 12 دولار شهريا

-هل تعلم انه يوجد فى مصر اكثر من 6 مليون عاطل

-هل تعلم ان كيلو الدقيق النهاردة ب 3 جنية ونص و لتر الزيت ب 9 جنية

والعدس ب 10 جنية وطن الحديد ب 5200 جنية

شوفو الحلاوة

اذا اختلف اللسان لا يختلف القلب

No gods except Allah Mohamad is his prophet

Aucun dieu sauf Prophète Mohammad Dieu

Keine Goumltter nehmen Prophet Mohammad God aus

Ningunos dioses exceptuacutean de Prophet dios de Mohammad

Nessuno dei eccetto Profeta Mohammad Dio

لا اله يزدان را محمد مستثني نمىكنند

Никакие боги кроме Пророка Mohammad Бог

Geen paradijs behalve Prophet Mohammad God

אין כל אלים חוץ מנביא מוהאמאד אלוהים

Nenhum deus menos Profeta Mohammad Deus

Hiç Tanrı peygamber Mohammed Tanrı'yı saymamaz

مهما اختلف اللسان لا يختلف القلب

(( لا اله الا الله محمد رسول الله ))

حسنى مبارك ممثل فى فيلم قديم

الكبير كبير من زمان
مش ريس بس لأ وكومبارس كمان

الحقيقة أنا عارف الموضوع ده من زمان وبقالي كتير قوي بأدور على اللقطة دي لحد ما لقيتها

اللقطة من فيلم إسمه وداع في الفجر

بطولة كمال الشناوي وشادية وعبد المنعم إبراهيم

وإنتاج 1956

دور حسني مبارك كان مدرس في مدرسة الطيران غير متكلم

اسيبكم مع اللقطة

http://www.youtube.com/watch?v=z9tH2Nz4dFI

الى متى الصمت

الى متى الصمت يا امة العرب

الى متى الصمت يا امة محمد

الا رسول الله

اعادت الصحف الدنماركية نشر رسوم مسيئة للرسول صلى الله عليه وسلم

اللهم اهلك الظالمين بالظالمين واخرجنا من بينهم سالمين

فداك ابى وامى يا رسول الله

حكمة

• 
  
  سئل الاسكندر : لِمَ تُكرم معلمك فوق كرامة أبيك فقالإن أبي سبب حياتي الفانية ومعلمي سبب حياتي الباقية‏


• 
  
  قال إبليس : عجبت لبني آدم ! يحبون الله ويعصونه ،ويبغضونني ويطيعونني


• 
  
  اللسان ليس عظاماً .. لكنه يكسر العظام


• 
  
  إذا خرجت الكلمة من القلب دخلت في القلب ، وإذا خرجتمن اللسان لن تتجاوز الآذان